Lidergo berria MONDRAGON Health-en: Manuel Sánchez-Lagarejo aliantzako lehendakari izendatu dute
Manuel Sánchez-Lagarejo, Bexen Medical eta Bexen Bioservices-eko zuzendari nagusia, MONDRAGON Health aliantzako lehendakari izendatu dute. Aliantza honek MONDRAGON Korporazioko osasun arloko kooperatibak biltzen ditu.
Etapa berri honetan Klaudia Luquita, GSR SCoop-eko lehendakaria, izango da lehendakariordea.
Lidergo berria une egokian dator MONDRAGON Health-entzat. 2024an, aliantzak 165,4 milioi euroko fakturazio bateratua lortu du, eta 1.702 profesional ditu osasun-sektorea eraldatzeko konpromisoarekin lanean.
2025ari begira, aliantzak berrikuntza, teknologia eta eragin soziala izango ditu ardatz, gaur egungo osasun erronkei aurre egiteko ezagutza espezializatua eta balio kooperatiboak uztartzen dituzten proiektuen bidez.
MONDRAGON Health honako kooperatibek osatzen dute: Bexen Cardio, Bexen Medical, Bexen Bioservices, BIHAR Homecare, ERREKA, Fagor Healthcare, GERODAN, GSR, LKS NEXT eta Osarten Koop. E., eta guztiek osatzen dute lankidetzan oinarritutako sare anitza eta dinamikoa.
Lidergo berriak osasunaren aldeko konpromiso kooperatiboari jarraipena ematen dio.
